83-6. Фагьум авай нехирбан

 Нехирбанди гьасятда пачагьдин патав фена, лагьана:
 -"Вун аллагьди хуьй, пачагь, заз а ви хазина ат1ай
угърияр чир хьана. Абур луьткеда аваз гьуьлелай
хъфизвайла, т1урфан къупмиш хьана, къизиларни гваз
гьуьлуьз батмиш хьана. Мад абур и дуьньядал аламач.
Эгер вун захъ инанмиш тушт1а, за ваз гаф гузва; мад
къенин къалай кьулухъ ви хазинадай садани къизилар
чуьнуьх хъийидач"
 Пачагь нехирбандин гафунихъ агъуна, ида лагьана:
 -"Килиг, кьуьзуь кас, мад къенин къалай кьулухъ зи
хазинадай маса касди къизилар чуьнуьх хъувурт1а, за 
ви гардан яда гьа!"
 -"Хьуй ман,- пачагь вун сагърай,- лагьана нехирбанди,
-мад ви хазина ахт1айт1а, зи гардан ви гъиле ава,
ваз эхтияр я".
Пачагьди са чувал къизиларни гана, нехирбан рекье хтуна.
 Им хтана и чинар ттарцин к1аник килигайт1а, угърийри
са гьебеда авай къизилар гъана иник чуьнуьхнава.
Ибурни къахчуна, нехирбан вичин к1вализ хтана. Ида вичин
папаз лагьана:
 -"Ма, паб, и къизилар къахчу, амма килиг, кьенятдалди
харж ая гьа! За гьеле к1ел авурди тек са "илиф", бей" я;
мад и къизилар чаз рекьидалди бес я, я заз к1ел хъувунни
герек туш".
Гишила рекьизвай нехирбан, адан паб,аялар гьа и саягъ
фаракъат хьана. Абур гьана амукьна, зун иниз хтана.

(Фатахов Алибега кхьейди я. 1934 йис.)