Чан буба, вун - сад лагьай кьил, цав я чи!
Чан буба, вун кьилел алай къав я чи!
Чан буба, вун хазинадин тав я чи!
Ви зегьметар гьар вахтунин ч1ав я чи!
К1улавай пар, к1валахдин, залан я ви,
Сабурлувал, дагълар кьван кьакьан я ви,
Ц1развайди баладихъди чан я ви,
Вун крарай аквадай чаз, чан буба!
Гьар патахъай атун патал хуш гьалай,
Далда ийиз, эхтибарлу къуьн галай,
Рик1из чими, малаикдин чин алай,
Чи мурадрин къала я вун, чан буба!
Заз бубади са сеферда лагьанай,
Бала, зун вахъ инанмиш я дат1ана,
Руьгьдик лувар акатнай зи дигана,
Ви гафар зи рик1е ама, чан буба!
Диде-буба уьмуьрдин лувар я чи,
Чун патал я абрун зегьметар вири,
Жедач вахкуз дуьнья багъишай буржи,
Аллагь валай рази хьурай, чан буба!
Секина. Буба
© Copyright: Магомед Мирзоев Мирзой, 2024
Свидетельство о публикации №124102306506
Свидетельство о публикации №124102306506
Рецензии