Молитва в день Нового года

Господи Боже, всех видимых и невидимых тварей Творче и Зиждителю, сотворивший
времена и лета, Сам благослови начинающееся дня сего Новое Лето, исчитываемое
нами от воплощения Твоего для нашего спасения. Благослови нам провести год сей и
многие по нем в мире и согласии с ближними нашими; укрепи и распространи Святую
Кафолическую Церковь, юже основал еси в Иерусалиме, и спасительною жертвою
святаго Тела и пречистой Крови освятил еси. Отечество наше возвыси, сохрани и
прославь; долгоденствие, здравие, изобилие плодов земных и благорастворение
воздухов даруй нам; мене грешнаго раба Твоего, всех сродственник и ближних моих
и всех благоверных христиан, яко истинный наш верховный Пастырю, упаси, огради и
на пути спасения утверди, дабы, следуя по нем после долговременной и благополучной
жизни в мире сем, достигнути Царствия Твоего Небеснаго и удостоитись вечнаго
блаженства со святыми Твоими. Аминь.
("Семейный молитвослов"; "Артос - Медиа"; Москва; 2008 год)