83-4. Фагьум авай нехирбан

 Девечи вичин шегьердиз хъфейт1а, ина са гьарай-
вургьай ава; ида им вуч хабар я, ина вуч хьана?-
лагьана жузурла, идаз жаваб гана:
 -"Бес угърийри пачагьдин хазина ат1анва, гьикьван
фалчи-фахрачийриз эверна клигиз тунат1ани, гьич
садавайни жагъуриз жезвач".
И ван хьайила, девечи тадиз пачагьдин патав фена,
ида лагьана:
 -"Пачагь, вун сагърай, бес флан чкадал ихьтин са
хъсан, михьи са итим ала; чир хьайит1а ви хазина
ат1айбур гьадаз чир жеда, масадаз чир жедач".
 Пачагьди тадиз нехирбандиз эвериз са кьуд-вад итим
ракъурна; и къузни фекьиди нехирбандиз "бей" лугьур
гьарф чирнаваз хьана. Ида, мад и тарцин к1аник атана
"бей, бей, бей" -лугьуз вичин тарс эзберизвай.
Ибру атана идаз лагьана:
 -"Бес ваз пачагьди эверизва".
Нехирбандиз кич1е хьана, ида вичи-вичик лагьана:
 -"Гила зи к1вал ч1ур хьана, зи балайрин язух хьана".
Ида ибрувай, садра к1вализ хъфена вичин папахъ,
аялрихъ галаз гуьруьшмиш хъхьуниз изин къачуна.
Ибур вири нехирбандин хуьруьз хтана; нехирбан вичин
папахъ, аялрихъ галаз гуьруьшмиш хьана, ахпа ибрухъ
галаз пачагьдин патав фена. Пачагьди нехирбан атан-
мазди идаз лагьана:
 -"Гьар йисуз угърийри зи хазина ат1уз кьизилар
чуьнуьхзава; эгер вуна абур чирурт1а, за ваз къизилар
гуда, тахьайт1а за ви гардан яда".
Нехирбанди гьикьвадар минетар авунат1ани мад пачагьди
идалай гъил къачунач. Ик1 хьайила нехирбанди лагьана:
 -"Ят1а, вуна заз флан чкадал са кума расиз тур, зазни
пуд югъ муьгьлет це".
Пачагь рази хьана, ида са кумани расиз туна,
нехирбандиз пуд югъ муьгьлетни гана.