Пака къуз жемятар миск1индай эхкъеч1завайла, нехир-
банди фена жемятриз лагьана хьи, мад зун нехирлдив
хъфидач; куьне квез са маса нехирбан аку. И ван
хьайила, кьуьзуьбуру ва идан хатур к1ени къуни-къун-
шиди идаз лагьана: "Ша вун ахмакь жемир, ви аялар
гешила рекьида, чукьни тавуна вун жуван нехирдив алад".
Амма нехирбанди абруз яб ганач; ам нехирдив хъфин
тавуна фекьидин патав к1елиз фена. Фекьиди идаз
илифар кхьена ва сифте къуз "илиф" лугьур гьарф чирна.
Нехирбан "илиф, илиф"- лугьуз хтана к1вализ, рик1елай
фин тавурай лугьуз, ида к1валени "илиф, илиф"- лугьуз
им мурмур ийиз хьана. Амма к1вале аялри шехьиз, ван-сес
ийиз, вичив тарс эзбериз тан тийиз акуна, има экъеч1на
чуьлдиз атана, ина и нехирбан са ттарцин к1аник ацукьна,
"илиф, илиф, илиф"-лугьуз вичин тарс эзбериз.
83-2. Фагьум авай нехирбан
© Copyright: Магомед Мирзоев Мирзой, 2024
Свидетельство о публикации №124102105450
Свидетельство о публикации №124102105450
Рецензии