Хиннар-лайнар мустафа ганижев

    ХИННАР-ЛАЙНАР   Мустафа Ганижев
               
Со-м Союзе ваь ма вар, бу хоам,
Х1анзар Рашке корабац сатем.
Д1ахьажача гу ж1аргий кашамаш,
Г1умарий аренаш хул хеталуш.
Сийлахьа хий да оалар цар Дон,
Цигар г1асакхашта хетт шоаш къам.
Цанна сигалара 1оелха Манна,
Моцала кхерамзле цох хул денна.

Со-м атта ва наха д1ат1аэца,
Беррига нах бале а сийленца.
Ховлда цанна со хьетлургвац в1алла,
Ж1алий к1азилг хинна 1ехавала.
Со цар д1авехаш т1аэце т1аккха,
Эсалал 1акхосаш, хургва воккха.
Дутаргда аз цар из 1аьржа лаьтта,
Дош ца хеташ, халхар деш аз х1аьта.

Цига дутаргда царцар вахар,
Рашкица цхьа тхов хилар эшацар.
Цигар нахага иха ж1алий ц1ог1арч,
Лергачур зхов д1адалац со 1овижач.
Форда юсте пайхамар вос яхаш,
1ийса дийнавана цига воаг1аш.
Танкаш «Леопардаш» юхлехкаш,
Ж1аргаш денараш маьхках а боахаш.

Лаьттах харшаш доах, хургъя окопаш,
Вайнаха тийшабелаш леладеш.
Цига «Инагенташ» бахаш хургъба,
Цар дийцачох Дин дита дезаргда.
Пир1овна маьжгаш цар юхь т1а хулаш,
Наха пайда бу оаха -  цар яхаш.
Шоай мара Даьла вац – яхар дийца,
Миска наха боанг увттае сийца.

Из б1ехал гуш со ца1 вусаш хургъва,
Юххера догдахара тешаргва.
Аллах1а къахетамга сатасса,
Сай наха оарцаг1а г1оргъва масса.
Цига харцоенар аз д1адоаккхаш,
Нувх мо т1ема низ к1огача кхоссаш.
Юххера ялсмаленга хул кхоачаш,
Из ханнар-дайнар дувца ца дезаш.

20.07. 2022 ш. К1ай-беттиг 1аьлий-юрт.