У ранішняй расе памыўся луг
І выдыхнуў туман на медуніцу.
У полі трактар свой цягае плуг --
Рыхтуе глебу... Глебу пад пшаніцу.
Палескі лес грыбніцаю цвіце --
Красуюць на палянах мухаморы.
Лясная сцежка ў бор мяне вядзе
Да тых мясцін, дзе на грыбы я хворы.
Схаваўся пад ялінкай белы грыб --
Падняў сівенькі мох над галавою.
А побач -- баравы, бы чорны грым,
Глядзіць на час асенняю смугою.
Гукае лес заўзятых грыбнікоў,
Склікае ўсіх, хто да грыбоў ахвочы.
Чабору пах чуваць з усіх бакоў --
Дарамі лесу суцяшае вочы.
05.08.2022.
Восень
© Copyright: Валерий Познякевич, 2024
Свидетельство о публикации №124102104684
Свидетельство о публикации №124102104684
Рецензии