Нашая мова -- жывая, вечная,
Бо яна -- ад калыскі матчынай
І тых шляхоў, што жыццё асвечвалі
Малітвамі, вершамі і прадзедаў спадчынай.
Нашая мова -- нябёсаў скарбніца,
Што над зямлёю ўзышла вясёлкаю.
Мова ніколі не стане здрадніцай --
Мова яднае нас словам і зёлкамі.
Той, хто яе на Радзіме цураецца --
Выракам стане: манкуртам, забойцаю.
Мова народ паднімае раніцай
Промнямі сонца, што Богу моляцца.
Мова ёсьць думка Айчыны і прадзедаў,
Што шанавалі сваё, не замежнае.
Мова народу ад Бога нададзена --
Мова заўсёды была незалежнаю.
Той, хто пакрыўдзіў яе -- маці выракся:
Страціў шляхі і дарогі да спадчыны.
Мова Купалы з нашчадкамі вырасце
І загучыць словам велічным,
матчыным.
17.10.2024.
Мова народу
© Copyright: Валерий Познякевич, 2024
Свидетельство о публикации №124102104358
Свидетельство о публикации №124102104358
Рецензии