82-9. Савдагардин папанни фекьидин кьиса

Ин папа, эверда: "Я гачал, я гачал! Фекьини кьена!"
Ин вахтунда тарпна хкуьч1на кьуьнц1ин к1аникай лагьана:
"Яъ! Фекьи кьена? К1вал ч1ур дахьайди,на хуьзайиндин
к1вал к1еняй акъудда гьа. Бес гила вуч ида, вуч идач?-
лагьана гачала, - Ин ламран хва са гъвеч1и кас туш,
им вири жемятдиз машгьур итим я. Им гьик1а к1иви ида?
Ихьтиндан патахъай судриз ракъурзава итимар. Мад, де
къайгъу авач, гъваш са виш манат пул ават1а". 
 Гъана папа гугана идаг. Къачуна гадади ттуна вичин
жибинда виш манатни, лагьана: "Къулал алайди вуч я?"
 "Ам аш я ччан гачал, -лагьана савдагардин папа.
"Гъваш кван иниз",- лагьана гачала.
Т1уьна фекьидиз авур ашни вичин хъвала ч1акь-идалди,
къудгъунна къарагъна инлай, кутуна фекьини литиник,
кут1унна кьвед-пуд чкадлай, яана вичин к1улал, дуьз
хъифена фекьидин айвандик. Гатана гачала ч1ехи папан
рак1ар, лагьана: "Ей, ей! Ахъая рак!" -лагьана.
Папа лагьана: "Пуд паб авай итим йифен ин вахтундалди
хуьре гьатна жедайди туш".
Эхир хъифена пуд лагьай папан рак1арихъ:
 "Ей, ей! Ахъая рак!"-лагьана.
Ин папани жуваб гахгана: "Пуд паб авай итимдмхъ
ашнаяр жедайдитуш, -лагьана,- хъвач, нин к1веле
авайт1а, гьадан к1велиз".
Мад гачала лагьана: "Ахъая, зун мекьила рекьизва,
дахьайт1а за зун къавалай вигьида куь хъиляй".
Папани лугьуда: "Вигьейт1а, вуна гьуьлуьз вигьишни вун,
беле къайгъу жеда заз!"
 Инлай гачалани тухвана къавалай вигьена фекьи, гахчуна
галай литни, экъуьч1на хтана. Пакамаз ван гьатна хуьре;
бес фекьи къавалай аватна кьена лугьуз. Инлай, шак
татурай лагьана, гачални фена фекьидин ч1ехи папан
кьилиг лагьана: "Фекьини кьена, куьн сагърай. Зунни
ама ник1ерин къуншияр тир, чна веси авунвайди тир:
зун уьлуьк кьийит1а, за фекьи чихида лагьана".
Папани лагьана: "Чихих ман, ччан стха".
Гачалани, къакъажна гъилер, чихена фекьи, ттуна кафанра,
сур-кьулни авуна, къахчуна фекьидин парталарни, алук1на
вичел сипелриз звар гуз, хтана ацукьна кимел.
Фекьи гьич дахьай мисал авуна эцигна.

(Б. Небиева, Кьурагь райондай кихьейди я. 1935 йис.)