Моление во время бездождия

ПРОРОКУ ИЛИЕ
"О, великий и преславный пророче Божие Илие, ревности ради твоея по славе Господа
Бога Вседержителя не терпевый зрети идолослужения и нечестия сынов Израилевых,
обличавый занокопреступнаго царя Ахава и в наказание тех трилетний глад на землю
Израилеву молитвою твоею от Господа испросивый, да, отвергше мерзкие идолы и
отсутпльше от неправд и беззаконий, обратятся ко Единому Истинному Богу и
исполнению святых Его заповедей, вдовицу Сарептскую  во гладе пречудно препитавый
и сына ея умерша молитвою твоею воскресивый, по прошествии же пронареченнаго
времене глада, собранный на гору Кармильскую народ, израильский в богоотступстве
и нечестии укоривый, таже огнь молитвою  на жертву твою с небесе испросивый и
чудом сим Израиля ко Господу обративый, студныя же пророки Вааловы посрамивый и
умертвивый, по сих же молитвою паки небо разрешивый и обильный дождь на землю
испросивый и люди Израилевы Возвеселивый!
Умоли Великодаровитаго и Всещедраго Бога, да не до конца прогневается  на ны и не
погубит нас со буззаконьми нашими, и изсохшую землю дождь обильный и мирный, да
дарует ей  плодоносие  и благотворение воздуха. Испроси нам твоими благоприятными
молитвами  от Господа дух покаяния  и сердечнаго умиления, дух кротости и
воздержания, дух любве и терпения, дух страха Божия и благочестия, да тако,
возвратишеся от стезей нечестия на правый путь добродетели, ходим во свете
заповедей Божиих и достигнем обетованных нам благих, благоволением Безначальнаго
Бога Отца, человеколюбием Единороднаго Сына Его и благодатию ВсесвятагоДуха, ныне,
и присно, и во веки веков. Аминь".
(газета "Комсомольская правда"; 16 - 23 октября 2024 года)