82-8. Савдагардин папанни фекьидин кьиса

Папа къулал эцигнава ягълавда аваз гъерини,
ч1ирч1ир къачуна ргадай ванни къвезва гачалаз.
 "Яраб,- лугуьуда гачала рик1яй вичин, -зун
галачиз неда жал ин аш?"
 Фекьини галат хьана киц1 хьиз хьанвайди, ин
арада яна хъуьцуьгандиз кьуьнт, сивни ахъайна
кьеб хьиз хухан ван ацалтна ахварал фена.
 Ин арада цурай мя-мя авур ван атана.
 "Валлагь,- лагьана папа, -гьина ават1ани яру
кали ханва. Садра зун цуриз фена хкведа".
 Экъуьч1на, лампани къачуна, фена.  Ин арада
явашдиз хуькуьч1на гачал кьуьнц1ин к1еникай,
къачуна къулал алай ягълав, ин ргазвай гъери
фекьидин ахъа сивяй агъуз цана. Ахпа хутхвана
ягълав алай чкадал эхцигна, ччин пад к1еникна
вични хъфена литинин кьула гьахь хъуна,
кьуьнц1ик къатхьун хъуна. Хтана къецихъай паб
килигна къулал алай гъеридиз: экъишнаваз жгъана.
 "Вув, -лагьана,- ин гъери экъишнава хьи!"
 Мад фена гъери авай кьеч гваз хтана, вигьена
гъери, ц1урур хъуна ц1ийи ц1икелай.  Акъудна ашни
къапариз, илична ашдал гъерини, фена фекьидин
кьилиг: "Ей-ей, къарагъ, аш агакьнава". -лагьана.
 Эхир ван тежез акурди, мад хъифена ин паб чуру
кьуна: "Я ччан чурудиз къурбанд хьайиди, вун
къарагъ-т1ун, эхир, вуна зи ччан акъудмир-т1ун!"
Килигна мад сес акъатнач. Мад хъифена кьилиг паб:
"Я хзан декьейди, -лагьана, -ваз икьван к1еви ахвар
гьик1 къведа зун хьтин ашна к1вале аваз?"
 Гъил кьуна юзуриз к1ан жеда, килигайт1а- гъил къана
к1арас хьиз ава. Кич1е хьана папаз, яб акална
нефесдихъ, клигна - нефес амач, кьил кьуна юзурна,
к1вач кьуна юзурна, клигна - кьенаваз жагъана.
 "Аман! За гила вучда?"- лугьуз, рик1 къекъяз,
къуншийриз ван жез кич1ела, винел акъуд тийиз
шехьда кьван има.
"Дахьана хьайи са ашнани гьик1 кьена, я ччаналлагь!
Бес за гила вуч ийида, к1валин кьве кьиле кьве мейит
хьанвай?" -лугьуз мет-кьил гатаз жеда.