Бубайрин мисалар. I

1. Гишиндаз аман, тухдаз иман жедач.
2. Гишин вечрез ахварайни цуьк1 аквада.
3. Емишдин квак вичикай жеда.
4. Кьейи жендекдал пехъер алт1ушда.
5. Руфуник каш киткайла, гъилерик гьерекат киткида.
6. Цан цайидаз цуру нек, т1анбул ягъайдаз фири нек.
7. Къаравулвал кесибдал атайла, йифни яргъал жеда.
8. Вацран мич1ера гъетери экв артух ийида.
9. Тухда гишиндакай хабар кьадач.
10. Зулумдалди абад хьайи к1вал, агьдалди барбат1 жеда.
11. Киц1и киц1ин як недач.
12. Чакъал авачир там жедач.
13. Кац кябедал фена лагьайт1ани, адахъ агъаз жеч.
14. Кьадай киц1из я к1араб, я лаш герек я.
15. Гьамишалугъ цифер, марфар жедайди туш.
16. Са югъ такуна буьркьуьдини рекьидач.
17. Мез сарарик хьана, кьил к1урарик.
18. а) Вак акваз гелехъ къекъведа.
    б) Вак акваз, гел ч1угвада.
19. Хпен хам алай жанавур.
20. Жанавурдал хеб тапшурмишиз жеч.
21. Кациз лувар хьанайт1а, нуьк1верин тум акъуддай.
22. Мекьидан гъил гешиндан кьулак.
23. Шалвар алачирдаз ахварай кьве юк1 хун аквада.
24. Зун ямах туш хьи, к1ан хьайила эхлягьдай, к1ан хьайилани ахлуддай.
25. Къуьлуьн фуаз ракьтун руфун к1анда.
26. Хуьр т1уьрда, хур гатада.
27. Жафа ч1угурди зун хьана, кеф авурди вак1ан хва.
28. Деведлай ч1ехи фил ава..
29. Ирид к1вал я, муьжуьд-кавха.
30. Къибни рахадай сивиз яд текъведайт1а.