82-6. Савдагардин папанни фекьидин кьиса

Башламишна гачала нез. "Яъ,-лагьана са арадлай гачала,-
ин ашдин винел руквар хьтинбур ала ман".
 -"Вув, -лагьана,-абур эферар я, кьей гачал,заз ваз
к1ан жедайди хьиз хьана вегьейди я". Са арадлай мад
лагьана гачала: "Зи япара са ван гьатна ман вац1
къведай хьтин".
 -"Чидач ман, гачал",-лагьана савдагардин папа.
Са т1мимил кьван хуьт1уьна мад лагьана гачала:
 "Я кас зи уьлеркайни ц1верек1ар кхьтинбур к1вахьиз,
япарални залан хьана, хухвани ван къачуна гьатнава,
кьилни элкъвезва ман, чидач вуч кар ят1ани".
Ин савдагардин папани лугьузва рик1яй: "Агь, ччан п1ир,
яллагь ваз зун къурбанд хьуй! Зи ччан акъудзавай хьи
хва кьей гачала, гьич са карни ийиз гугун тийиз,
дак1аррихъайни, рак1архъайни яб акализ".
Гачални, къарагъиз к1ан хьайила, кьил элкъвена вичи вич
алукьарна к1валин юкьвал ларп авуна. Ин савдагардин
папазни хвеши хьана, тадиз лагьана: "Гьик1 хьана, кьей
гачал, рекьизвани? Бес, ам ахьтин аллагь я хьи, чарадан
эхтилатрихъ яб акалайдан япар пиши идай. Чарадал уьл
эцигайдан уьлер буьркьуь идай. На зи к1валин крар
кьулухъ янашни, вак хьай гачал, ваз чизвачирни ик1
жедай ч1ал?" Гачални ярх хьана к1валин кьулалай-т1уз,
я нефесни акъуд тийиз, уьлерни акьална, ин папан гафарал
яб элягъиз. Папани садра эверна, кьведра эверна,-мад гьай
хъалгьанач. Инлай папа лагьана: "Гила им кьена".
Кутуна им литиник, звар гана, к1ар хьтинди авуна, тухвана
кутуна кьуьнц1ик.