99-2. Зун т1екьей, вун гьик1 кьена

 -Ик1 са зат1ни гвачиз чун хуьруьз хъфейт1а, чун айибда,-
лагьана ибрукай сада,-ша, чна и ттарар пунай акъудна хутахин.
 -Хъсан я ман, стха, -лагьана амайбуру.
 -Ак1 хьайила, -лагьана ида,-зун а таран к1ук1 кьуна куьрс
жеда, сада атана зи к1вачер,  муькуьда гьадан к1вачер кьурай;
гьа и саягъда сада-садан к1вачер кьаз, чун вири гьанкай куьрс
хьайит1а, ахпа чна а ттар пунай акъудда.
 Вири и теклифдал рази хьана, ибур и саягъ вири гьа ттаракай
куьрс хьана, амма чилив агакьдалди са метр амукьна. И ч1авуз
ттаран к1ук1 кьунвайда лагьана:
 -Гадаяр, зун галатнава, зи гъилерай кьур акъатзава, куьне
куьн лап мягькемдиз яхъ, за гъилериз куьс гун.
 -Ваз кич1е жемир, чна чун к1евиз кьунва,- лагьана ибру.
 К1ук1 гъилерив кьунвайда ттар ахъайнамазди, эхирда авайди
ччилел алукьна, амайбурни вири гьадан винел алукьна, ам кьена.
И вахтунда ттаран к1ук1 кьунвайда лугьуда кьван:
 -Я хзан сагъ хьайди, акьван виняй аватай зун т1екьей, икьван
мукьувай аватай вун гьик1 кьия мегер?

(Ахцагь лезги нац. театрдин артист Меджидов Жалалавай
Гаджиев Агъалара кхьейди я. Ноябрь-1940 йис.)