Моление об упокоении православных воинов

"Непобедимый, непостижимый и крепкий во бранех Господи Боже наш! Ты, по
несповедимым судьбам Твоим, овому посылавши Ангела смерти под кровом его, овому
на селе, овому на мори, овому же на поле брани от оружий бранных, изрыгающих
страшныя  и смертоносныя силы, разрушающия телеса, расторгающия члены и
сокрушающия кости ратующих; веруем, яко по Твоему, Господи, премудрому смотрению,
такову приемлют смерть  защитников веры и Отечества.
Молим Тя, Преблагий Господи, помяни во Царствии Твоём православных воинов, на
брани убиенных,  и приими их в небесный чертог Твой, яко мучеников изъязвленных,
обагрённых своею кровию, яко пострадавших за Святую Церковь Твою и за Отечество,
еже благословил еси, яко достояние Твое.
Всели во святый Твой град всех приснопоминаемых нами рабов Твоих (имена), яко
воинов доблих, мужественно подвизавшихся в страшных приснопамятных нам бранех;
облецы их тамо в виссон светел и чист, яко зде убеливших ризы своя в крови своей,
и венцев мученических сподоби; сотвори их купно участниками в торжестве и славе
победителей, ратоборствовавших под знаменем Креста Твоего с миром, плотию и
диаволом; водвори их в сонме славных страстотерпцев, добропобедных мучеников,
праведных и всех святых Твоих. Аминь."
(МОЛЕНИЕ О УПОКОЕНИИ ПРАВОСЛАВНЫХ ВОИНОВ, ЗА ВЕРУ И ОТЕЧЕСТВО НА ПОЛЕ БРАНИ
УБИЕННЫХ. - газета "Студия НН"; № 18 (1281); 1 мая 2019 года)