Са хуьруьнбуруз чпиз регъв эцигиз к1ан хьанай кьван.
Ибру са к1ама регъуьн хандак1ар эгъуьнна, энберар
ч1утхарар туьк1уьрна,, цлар ч1угуна, рак-дак1ар
дуьзмишдайла, са маса хуьруьнви атана ин регъуьн
виликай-т1уз физ хьана; им салам тагана эляч1на фена.
Ибрукай сада адаз кьулухъ эвер хгана, ибру адавай
жузуна: "Я стха, вун мусурман тушни, вуна вучиз
салам ганач?" Ада, хъуьрена , лагьана:
"За салам гайиди вуч тир, квез цин ванци гъиляй ван
хьанач ман, за гьик1ин?" Ида ик1 лагьайла, ибур
мягьтел хьана, им адаз, ам идаз килигна, эхир сада
лагьана: "Вагь, ядаяр! Ядни герек жедай кьван.
Бес им чна сифтедай вучиз фагьумначир?"
(Ахцагь лезги нац. театрдин артист
А. Сефербегавай Г. Агъалара кхьейди я).
98. Ядни герек жедай кьван
© Copyright: Магомед Мирзоев Мирзой, 2024
Свидетельство о публикации №124101307543
Свидетельство о публикации №124101307543
Рецензии
