97. Шив катна

Са дагъдин хуьруьнви базардиз атана кьван. Идаз ина
хъипи буран акуна, и буранни идан рик1из хуш хьана
кьван. Ибрун хуьрени мад мейва, емиш битмиш жедачир
кьван, ида буран гвай касдвай жузуна.
 -Им кака я стха, вичин къеняйни шив акъатдайди я,
къиметни ц1уд манат я.
 И касдини ц1уд манат пул гана и буран къачуна,
элхкъвена вичин хуьруьз хтана. Са тик ягъвай винелди
хкведайла, галатна, буранни къужахда аваз, ял ягъиз
ацукьна. Вуч ят1ани идан к1вач ц1удгъунна, галч1ур
хьана, буранни гъиляй акъатна и ягъвай агъуз авахьна.
Им галтугна, буран авахьна, эхир буран са куьлерал
гьалч хьана пад-пад хьана. И куьлерин к1анени и
ч1авуз са къуьр аваз хьана кьван; буран алукьайла,
и къуьр экъеч1на катна. И кас галтуг - къуьр кат,
эхир идавай къуьр квахьна. И ч1авуз ида гъил мут1ез
яна лагьана:
 -Пагь, ягъи декьей шив, вун гъвеч1изамаз
икьван йигиндиз катайла, ч1ехи хьайила гьик1 катдайт1а?

(Эмиров Нурмегьемеда Эхцегьай кхьейди я)