82-5. Савдагардин папанни фекьидин кьиса

Савдагардин пабни пакамаз экъуьч1на фидайвал хьана.
Гачал фад фена п1ирен къене ацукьна. Савдагардин пабни,
авуна исит1аяр, фуар, экъуч1на фида п1ирелди. Ицигна
вичин гъиле авай суфрани: "Фатегьагь, -лагьана дуьани
авуна,-Я аллагь, ви руьгьдиз бахш хьуй, ччан п1ир,  вун
женнетдин ахварай ават тавурай! Я хъсан кас, зун ви
зияратдиз атанва, вагай мурад т1алабиз. Чи к1вале са
гачал ава , хва кьейдан хциз йифен ахвар авайди туш,
йкъан кьарай;  чагай чи дерди-гьал ийиз жезвайди туш,
я са гаф рахаз жезвайди туш ан гачалан гъиляй; гьамиша
рак1арихъ акъвазна яб акализ жеда. За вагай т1алабзава,
я халифа, ан гачал буьркьуьни биши ийидай са дарман".
Гачалани п1ирен къеняй явашдаказ лугьуда:
"Садакьаяр гъанвани?"
Папани лугьуда: "Гъанва, ччан п1ир, гъанва".
-"Ицигна гьанал гъиле авай садакьа, къачу са т1имил
кьван руг зи к1вечер галай патахъай. Ахпа, хъутхвана,
аш авуна, ашдин винел гьан рукадкай к1вадарна це.
Гачал гьанал гьалатда буркьуьни жеда, бишини",-лагьана
гачала. Юкъуз хтана, кьве къажгъанда аш авуна:
са къажгъанда вичизни фекьидиз, са къажгъанда гачалаз.
Атана югъ няни хьана, эвер хъуна гачалаз, к1вадарна
ругни ашдин винелай, тухвана эцигна ин гачалан уьлуьк.