Шалбуз дагъдихъ гелкъвезавай лекьер хьиз,
Кьуд патахъди атир чк1ай цуьквер хьиз,
Цавун аршдай нур гузавай гъетер хьиз,
Машгьур я къе уьлкведа чи Чепер хуьр!
Шумудни са вафалу ватанперес,
Камбар цуькверилай ч1угунвай нефес,
Къагьриман эл - кьуд пад чк1урнавай сес,
Багъишзавай гьар береда - Чепер хуьр.
Дагъдин хурал ийизваа къат-къат гелер,
Хкаж жезва элкъвез-элкъвез тик рекьер,
Къизил гъедре нур гуз хци я эквер,
Чеперин хва, игит Набиев Энвер!
СВО-да женгинин лап кьилевай,
Гьулдандин танк мягькемдаказ гъилевай,
Юлдашарни къутармишун рик1евай,
Чеперин хва, игит Набиев Энвер!
Къуй лезги халкь лекьер хьтин вине хьуй,
Къуй гьар садан руьгьдин гъетер к1вале хьуй,
Къуй несилар вирибуруз чешне хьуй,
Чеперин хва, игит Набиев Энвер!
Мерд рухваяр Дагъустандин дамах я,
Чили ганвай пак зам-замдин булах я,
Чаз кьегьалар гьар сад кьилди пайдах я,
Чеперин хва, игит Набиев Энвер!
Секина. Чеперин лекь
© Copyright: Магомед Мирзоев Мирзой, 2024
Свидетельство о публикации №124101207329
Свидетельство о публикации №124101207329
Рецензии