82-4. Савдагардин папанни фекьидин кьиса

Ин папани лугьуда: "Кьей гачал, ваз къунши авайди
тушни, са буюр идайди тушни, гъайи зат1ар вири жува
недайди яни?"
 "Агь, -лагьана гачала,- ажеб хьанашни вуна рик1ел
гъана! Вининал са фекьи алайди я зи къунши. Ят1а зун
гьадазни эвериз фида". Къарагъна гачал, къачуна гъиле
викни, фида фекьидин кьилиг индаз эвериз лугьуз.
Килигна фекьи, гъиле викни аваз, таадиз гачал къвезва.
Фекьидини фена ахъайна вичин яцарни, башламишна катиз.
Инай гачала лугьуда: "Эй!Фекьи, акъваз! акъваз!"
 Ик1 лугьунвай, фекьи кьулухъ элкъвез мадни катиз
башламишна. Гачални элкъвена хтана вичин ник1ел,
лугьуда: "Ламран хва дили хьанват1ани чидач, зун вичиз
ша лугьуз фейила, вич экъуьч1на катна хъфена".
Ин савдагардин пабни куз-хъукъваз экъуьч1на хъфена.
Индан гуьгъуьнал алаз, ахъайна яцарни, гачални хъфена.
Атана югъ няни хьана, мад гачал фена гурмагъдин кьулухъ
акъвазна. Са арадлай салам гана атана фекьи.
"Ваз акунайни,- лагьана савдагардин папаз,- къе вуч
хьанайт1а? Валлагь хзан кьин тавурди, ан гачалаз чи
эхтилатрин ван къвезвай хьтин ава заз".
"Валлагь,-лагьана ин папа,-зун флан п1ирел фена
садакьанаи гваз, са т1имил кьван руг гъана,  гьам
бишини буьркьуь тавуна тач".
Фекьидини лагьана: "Дахьайт1ани вун пака назар халифалдал
вач, вучиз лагьайт1а, чаз хьанвай кар назар хьана
хьанвай кар я, белки адакай чаз са куьмек жкен;
назар-халифадал фейиди мураддихъ агакь тавуна амукьдайди
туш". Ин ванарни вири къведа кьван гачалаз.