82-3. Савдагардин папанни фекьидин кьиса

Ин эхтилатар мад ван хьана гурмагъдихъ акъвазнавай
гачалаз. Гачалани ин йифиз фена фекьидин цуриз къачуна
са капашдавай ц1ифинар экъягьна ц1ару яцран далудай
рагъу авуна акъвазарна. Ахпа хтана гачала вичин яцран
кьулай-т1уз кут1унна пуд метри агъни, ц1ару авуна.
Фекьи пакамаз, экуьнин кап1 авуна, ан кьиляй эхкъуьч1на
фена ник1елди, кут1унна яцарни башламишна вичин цан цаз.
Са арадлай гачални фена, кутуна уьлуьк яцарни, дуьз
вичин ник1елди, кут1унна яцарни, башламишна, цан цаз.
Гачала "вавгьа!" лагьай ванцелди къуншидлай фекьи килигна,
акуна гачалан вик1иник - ц1ару яц кваз. Ахпа килигна вичин
яцариз. "Ягь, -лагьана, -ц1ару яц зиди хьайилахди, ин
гачалаг вучиз гва?" Има, яцар "вавгьа" лагьана акъвазарна,
килигна ин патахъай, ан патахъай вичин яцариз. Далудай
экъяна кап, кьац1ана ч1улаврай; мад кьве капни экъяна
са бубат лацу хьана индан яцран ц1ару чкаяр. Килигайт1а
има мад гачалан яцариз, гачалан яц са къан рекъяй акурдазни
чир жедай гьал ц1ару я. "Гьик1да,- лугьуда фекьиди вичи
вичикди, -Ламран хва гачалкай, мад аш тухвана идаг гугайт1а?"
Са арадлай савдагардин паб, ицигна гъилел са ленгери ашни,
дуьз гьин ц1ару яц алай чкадал ч1увуна фена, мад гачалан
кьилиг аватна. "Яъ,-лагьана гачала,-хузайиндин паб, вун гьар
юкъуз къвез ктхьанва хьи?"
-"Ава хьи, кьей гачал, мад ваз аш гваз атанвайди я ман"
 -"Де гъваш акван, гъваш акван,-лагьана гачала, къачуна
индан гъилел алай ленгери, ицигна уьлуьк нез башламишна.