94. Ламра ттум

Са сеферда гьик1 ят1ани миск1индин вилик Шеки патахъай
атай, къуьнерихъ аба галай, юкьва къацу къуршах авай,
кьилел лацу сирих янавай ч1улав пармак алай гзаф т1вар-ван
авай са шейхини вичин тарифиз лугьузвай: "Къаркай са къуз
нянихъ аллагьдин патай атай малаикри зун аллагьдин дидардиз
ирид цавариз акъудна; ана аллагьди заз лагьана: Мегьемед
пайгъамбар, адан асгьабияр ва адалай кьулухъ хьайи халифаяр
кьейила кьулухъ ччилин винел мусурманрин кьил кьар касни
аламач. Гила мусурман шейхерлай вирибрулай вун эдеб-камалдиз
артухди хьунухьиз килигна, ччан зи лук1, а мусурманрин
серенжем авун за вал тапшурмишзава".
 Гьа и арада вилик винел к1арасрин ппар алай ламни кваз
дерзичи Магьмуд и миск1индин виликай-т1уз хквезваз хьана.
Лам акъвазарна, шейхинин тапаррихъ яб акалурдалай кьулухъ,
Магьмуда адавай изин къачуна са суал вугана:
 -Ччан шейх, зун ви к1вачериз къурбанд хьуй, вун а ирид
лагьай цавуз экъеч1айла ви ччинихъ са шагьвар хьтин хъуьтуьл
са зат1 галукьзавайни?
 Шейхини хвеши хьана лагьана:
 -Бе-е-е-е-с, ччан хва... Галукьзавай... ак1 галукьзавай
хьи-и-и-....
 Магьмуда, хъуьрена, вичин лам къалурна:
 -Гьа гьам и зи ламран ттум тир, ччан шейх, -лагьана,
виридак хъвер кутуна.

(Эмиров Нурмегьемеда Ахцагьай кхьейди я).