82-2. Савдагардин папанни фекьидин кьиса

Пакамаз къарагъна ин пабни, тук1уна кьве верчни, авуна
дуьгуьдин афарарни кутуна суфрадик, физ жеда кьван
 фекьидин ник1елди. Хабар никай гун, хабар гачалагай.
 Ин гачалани фекьиди гадарнавай чкалар къачуна вичин
 ник1елди хъегьиз-хъегьиз хъфена. Килигна гначал; са
вахтунлай вичин хузайидин паб къвезва, гъилел са
суфрани алаз. Гачалани "вавгьа"-лагьана акъвазарна
яцарни, чукурна фена уьлуькди, лагьана: "Яъ, хузайиндин
паб, вуч хабар я, вун гьинавайди я, хийир хьуй?"
"Авач кьей гачал,-лагьана,-зун ваз афарар гваз
атанвайди я". Гачалани лагьана: "Гъваш акван.
Ваз ин рик1 гьинай атанвайди я?"
"Яъ,-лагьана папа,-вун зи лажбар тушни, ваз дагай
афарар низ гуда?" Афарарни т1уьна гачала:
"Гьак1а ман, хузайиндин паб,-лагьна,-за гила пуд
юкъуз цадай цан са юкъуз цадачни".
Гачала афарар недайла, элкъвена фекьи галай патахъ
неда кьван, алчудариз звар гуз, ттваз сиве, вилерни
экъисаз фекьидиз. Ин хузайиндин пабни, афарарин
гьайифдай рик1и-рик1 т1уьна, эхкъуьч1на хтана инлай.
Ин пабни ийир-тийир квахьна "гила за фекьидиз вуч
лугьудат1а?" лугьуз амукьна. Няниз атана фекьи,
лагьана: "Гьик1 хьана, вуч хьана, к1вал ч1ур дахьайди?
Вун къе атана акъатнач хьи?" 
"Вув,-лагьана ин папа,- заз вакай гзаф регъуь хьана.
Зун атанвай, хва кьей гачала ан вигьенвай халидин
чкаларин ат1а кьил вичин ник1елди тухванвай. Зунни,
гьан ч1увуна фийиди, аватна дуьз гачалан ник1елди,
мад загай элкъвез хьанач. Афарарни т1уьна хва кьей
гачала сад тутуна, зунни куз-хъукъваз амукьна".
"Ят1а,- лагьана фекьиди,-пакамаз ша". Мад папа лугьуда:
"Бес заз гьик1а чир хьурай мад ви ник?" Фекьиди лугьуда:
"Дуьз кьулал камари алай ц1ару яц алай ник1елди ша,-мад
ан арайра масадахъ авайди туш".