65-4. Пачагьдин мегьтер Лукьман

Са йифиз ацукьна им гзаф фикирлу хьана, куьгьне
дердер рик1ел акьалтна.Инлай къарагъна им фена,
эверна вичин лук1ариз лагьана хьи: "Исятда хъфена
вири Жизир-Бабилда авай кьван ччинеррар галаз
хкведи куьне". Инбурани: "Башуьсте, язна",-лагьана.
Ц1удхунна хъфена инбур цавай. Пакамаз къарагъайт1а
Лукьман, цав, ччил ч1улав хьана ац1анва, ч1агъ
ацукьайди хьтин, ччинерриг. Инлай эверна инбуруз
буйругъна: "Фена флан Къаф-дагъ патар-патарна гьар
садай са-са виш пут къведай къвенер гваз хкведи
куьне".Инбуру: "Башуьсте!"- лагьана, ц1удхунна
цавай фена. Са сятдлай гваз хтана. Инлай къачуна
ин вичин кьушунарни, къванарни гваз ц1удхунна
инбур цавай, ч1угуна фена уьлуькан вич рекьиз
к1ан хьай пачагьдин шегьердин винел.
Башламишна инбуру сифте ин пачагьдин къелеяр
гук1вариз, ахпа назирдин, вазирдин к1валер гук1вариз,
ахпа индан кьушун-аскер авай мензилар гук1варна.
Гьа гьик1а гук1варна тармар уна, вичин душманар
кунфаякун авуна. Ахир Лукьман ахцукьна ин пачагьдин
тахтунал, къахчуна индан рушни вичиз, ц1ийи-ц1ик1елай
хкана вичин муькуь пабни, къарини галаз, пачагьвал
ийиз ахцукьна. Пачагьвилел халкьарни гзаф рази хьана,
Лукьманни гзаф адалатлу пачагь хьана.

*Къул-лук1.

( Б.Небиева Кьурагь райондай кхьейди я. 1935 йис.)