65-3. Пачагьдин мегьтер Лукьман

Ахир Лукьман галат хьана,са ттерцин к1аник ял яаз
ацукьай чкадал фена ахвариз. Атана акуна има са
ччинердиз, гьинлай къахчуна ин Лукьман ин ахварик
кумаз цавай чипин пачагьдин кьилиг. Инлай пачагьди
к1ват1на вичин назир-вазир Лукьманан дуван из хьана.
Лукьман гьеле ахварик кумазма. Инбура суд авуна индаз
кьиникь ат1ана, авудна ин Лукьман ахварай. Килигна
ин вахтунда Лукьман, акуна индаз вич са гзаф
безетмишур к1веле аваз, элкъвена ацукьнаваз са маса
жуьредин инсанарни. Инлай са гзаф кич1е хьана Лукьманаз:
гайи жувабдиз жувабни гуз тежез табдил жеда. Ин вахтунда
ин пачагьдин рушаз, бес, вичин бубадин сергьятдай са
инсан жагъанва, гьам кьуна гваз хтанва, гьандаз дуван
авунава рекьиз лагьана ван жеди. Инлай таадиз атана
руш бубадин дуванханадиз. Атайвалди акуна индаз Лукьман.
Фена руш бубадин кьилиг, лагьана бубадиз:
"Гьа гьин касдиз я зун паб хьайиди фулан вахтунда.
 Ахир зун катна хуькведайлахди за ин касдиг гаф гагайди я:
 эгер ваз зун акьван к1ан ят1а, вун зи бубадин уьлаятдиз
-Жизир-Бабилдиз ша, гьанал зи бубадих дидедих галазни
мислят хъавуна зун ваз хуькведа лагьайди тир. Гила буба
ан касди икьван зегьмет ч1угуна зун патахъай, пуд виш
къан рекъиз атана; гила завай андаз гафни элкъуьрна,
артухан ваг рекьизни гугуз жедач". Инлай пачгьни гзаф
рази хьана ин кардал, Лукьман мирехасна. Эхверна
 ц1ийи-ц1ик1елай вичин назир-вазирдизни, гъана балабан
 зуьрнени, чипиз шадвилерна. Гъана чипин фекьи-фахрани
рушан некягь ат1ана.
Пакадин юкъуз 30 къулни* агалдарна Лукьманахъ, гагана
са кьадардин жигьизарни рушаг, хъияна чипин лук1арин
к1улаз, ахкьахна чебни гьанбран далудал пабни галаз,
"сагъ хьуй" хълагьна эхкъуьч1 хъуна инбур цавун гьавадиз.
Ц1удхун хъуна хтана инбур дуьз къаридин мукьуг.
Хтана ахгакьна Лукьман ин мураддихъ, ахкун хъуна вичин
уьлериз вичин къари-дидени, шад хьана, хурам хьана,
инал к1вал югъ хьана са кьуд-вад вазра.
Ахир Лукьманан рик1 генани ик1ани  секин хьанач.