Аман цумур ххуллий на бяйкьунавав,
Цумур дуланттуву байча щунавав,
Ларкьунни магъигу, гъап1 кунни ч1иртту,
Дакъар ярунниву чаннаннил ххютгу .
Дуссия ттулгу ч1ун хъинну тяхъану,
Оьрмулул шач1анттайх куклуну лахълай,
Уттирив ттул мина гьаттал х1авт1ливу ,
Къавхьунни лялиян дан душманшиву.
Пикрирду бак1раву бакъар бувагу,
Кьуркьунни оьрмулух хьусса ччавугу,
Гъаргъунни хъаругу, хъякунни дак1гу ,
Гъюжу гъярж бувккунни ттул умудругу.
Бувтсса гьантлуягу бакъар утти т1ин,
Левщунни тамах1гу оьрму байбишин ,
Хияллу бавссунни , умуд левкьунни ,
Ххядурксса къюк1ливу х1ал къаливч1унни .
04.10.24
Аман цумур ххуллийх на бяйкьунавав?
© Copyright: Фатима Абдуллаева, 2024
Свидетельство о публикации №124100406617
Свидетельство о публикации №124100406617
Рецензии