Малла Несрединаз хьана кьван са к1ел. И кар чир хьана
жегьилриз; ибруз гьар тегьердалди идан к1ел нез к1ан
хьана. Са къуз ибру идаз лагьана: "Малла Несредин,
пака эхир заман я, ша чна ви к1ел нен!"
Малла Несредина лагьана: "Хъсан я, нен ман!"
К1елни къачуна, ибур фена са вац1ун къерехдиз.
Югъ гзаф чимиди хьана. К1ел тук1уна, йигадайла,
ибру вирида, хт1уна чипин гинибашар, Малла
Несрединан мукьув туна, эхъвез фена. Ибур физамаз
малла Несредина ибрун гинибашар к1ват1на, ц1уз вегьена.
Эхъвена, жегьилар хтайт1а, гинибашар амач. Ибру лагьана:
"Я малла Несредин, чи гинибашар гьинава?"
Ида лагьана: "За абур ц1уз вегьена".
-Вучиз?
-Вагь,-лагьана малла Несредина,-пака эхир заман жедайла,
куьне гинибашаркай вуч ийида
(Агъа-Арагъ, Айна Ших-Агьмедова, Ноябрь-1940 йис)
90. Малла Несрединан к1ел
© Copyright: Магомед Мирзоев Мирзой, 2024
Свидетельство о публикации №124100306962
Свидетельство о публикации №124100306962
Рецензии
