Усэрыбжэ псынщ1эрыпсалъэхэр

БЕЛЫЙ ЦВЕТ
ХУЖЬ

Хужь чэсейуэ уэс хужьыбзэ.
Шэ тхъурымбэу хужь дахащэ!
Хужь чэсейуэ шэ хужьыбзэ.
Шэ тхъурымбэу уэс дахащэ!
---------------------------
ЗЕЛЁНЫЙ ЦВЕТ
УДЗЫФЭ

ЩхъуантIэщ удзыр,
Удз удзыфэщ,
Гъатхэр гъагъэм тафэр елэ!
Удз удзыфэу
ЩхъуантIэ удзым,
Удзыфабзэу джабэр елэ.
 
---------------------------
СИНИЙ ЦВЕТ
ЩIЫХУ

ЩIыху! ЩIыхубзэ,
ЩIыху дахащэ!
Зэфэзэщу уафэм щолэ!
ЩIыху дахащэу,
ЩIыху! ЩIыхубзэ!
Хуохъу уанэгу лэгъупыкъум-щоблэ.
 
---------------------------
КРАСНЫЙ ЦВЕТ
ПЛЪЫЖЬ

Плъыжь IэфIыбзэщ
Ди шэдыгъуэр!
Плъыжь-плъыжьыбзэщ
Мэзшэдыгъуэр!
Ди шэдыгъуэр
Дэп плъыжьыбзэщ!
Мэзшэдыгъуэр
Плъыжь IэфIыбзэщ

***

Плъыжь! Плъыжьыбзэу
Дэп жьэражьэр,
Дэп плъыжьыбзэу
Маф1эм щожьэ!
Дэп жьэражьэр,
Плъыжь-плъыжьыбзэу,
Маф1э плъыжьым,
Дэпу щожьэ!
--------------------------
ЧЁРНЫЙ ЦВЕТ
ФIЫЦIЭ

ФIыцIэ! фIыцIэ,
Къарэ-фIыцIэ!
Хьэку фIамыщIу зи фэр фIыцIэ!
Къарэ фIыцIэу,
ФIыцIэ, фIыцIэ
Узэхэлъщ кIагъуасэ фIыцIэу!
-------------------------
УСЭРЫБЖЭ-ПСАЛЪЭЖЬ:

Вы зимыIэм и шкIэр щIещIэ.
Хъунур вы - шкIэ щIыкIэ ящIэ.
Вы зимыIэм и шкIэр щIещIэ.
Хъунур вы - шкIэ щIыкIэ ящIэ.
-------------------------
УСЭРЫБЖЭ-ПСАЛЪЭЖЬ:

ВыфIым уеуэмэ мэувыIэ.
Вакъэжьылъэ зэш имыIэ.
ВыфIым уеуэмэ мэувыIэ.
Вакъэжьылъэ зэш имыIэ.

*Вакъэжьылъэ - бывалый человек.
-----------------------------
Ныбгъуэр инкъым,
Ныбгъуэр цIыкIущ.
Ныбгъуэ абгъуэр гъуабжэ цIыкIущ.
Мэшым ныбгъуэхэр хэзыбзэщ,
Бадзэуэгъуэхэм жаныбзэщ.

-----------------------------
УСЭРЫБЖЭ:
Дзыгъуэ, дзыгъуэ, дзыбэус,
ДзыгъуэгъалIэм уемыIус.
ДзапцIэр пхуэхъуми зы дзакъэгъуэ,   
ДзыгъуэтепкIэр зы дзыхь щIыгъуэщ.
-----------------------------
УСЭРЫБЖЭ:
Дзасэ дзагуэм дзажэ фIэлъщ,
Дзажэналъэр дзакIэм телъщ.
Дзажэр дзасэ дзагуэм фIэлъщ,
ДзакIэм дзажэналъэр телъщ.
----------------------------
УСЭРЫБЖЭ:
Дзадзу цIыкIуу дзахъэ цIыкIу,
ДзэпэфIанэу дзащхьэ цIыкIу.
Дзахъэ цIыкIуу дзэдзу цIыкIу,
ДзэпэфIанэу дзащхьэ цIыкIу.

*Дзащхьэ-Генерал
----------------------------
Бжьэхэр жьыуэ мэгъуэлъыж,
Бжьэхэр жьыуэ къотэджыж.
Бжьэ Iуэхуншэу мыхьэулей,
Бжьэхэр жыжьэу долъэтей.
 
*Бжьэ- Пчела
--------------------------

КIэпхъыу зи кIэ кIэ бэринэр,
КъикIыкIа кIэртIофхэм блопкI.
Къанжэ кIакIэу, кIэ кIыхь иным,
Дыщэ кIапэ игу имыкI.
-----------------------------

Пагуэ печыж пыжь пэгункIэ,
Пытщи пызу пыжьейм пыжь.
Пыжь пэгунхэр ехьыр пхъыхькIэ,
ПэгунитIри плъыфэ плъыжьщ.

*Пыжь- Тёрн, слива колючая.
------------------------------

УСЭРЫБЖЭ:
Щихухэр псынщIэу, лъагэу мэкI.
Щхъырыбейхэм щихухэр фIокI!
Лъагэу, псынщIэу щихухэр мэкI.
Щхъырыбейхэм щихухэр фIокI!

*Щиху- Тополь
*Щхъырыбей-Крыжовник
----------------------------

УСЭРЫБЖЭ:
ЩыгъынкIэрынэ, щыгъынкIэрынэ,
Щхъуэжьей цIыкIу укIэрымынэ.
ЩыгъынкIэрынэ, щыгъынкIэрынэ,
Щхъуэжьей цIыкIу укIэрымынэ.

*Щхъуэжьей- Незабудка
*ЩыгъынкIэрынэ- Щетинник зелёный
-----------------------------
ПСАЛЪЭЖЬХЭР УСЭБЗЭКIЭ:

ЩIы нэхъ бей щыIэкъым,
ЩIэныгъэ лей хъуркъым.
ЩIым епщIэр и пщIэщ,
ЩIакIуэр губгъуэ унэщ.

@Гъуэщокъуэ Мадинэ