ЗугIяла

ЯцIнуангърара дусли,
Барх яшадибукIибил…
Кьадар бариб Аллагьли,
Хъалибарг дикIбушесил.

ХIянкилакан вакIиле,
Кайхьун цай бамсри ахъес.
Машин рахле бакIале,
Буриб цай тIатIарахъес.

Хьунул дерхъизе рерхун,
ХIяйвант далдарес иле.
Далдариб – хъайзе рерхун,
Кебаиб дурхIне цайле.

ДурхIназе хьаррабягъиб,
Кудия дудеш иле…
ДурхIнани жаваб бариб,
Машийчу бакIиб иле.

Хьунува чарх бушбухъун,
Лебил зат балуй ана…
УркIи цIакьле дапбукIун,
Це лебара багьана?!

Дахъол заман хIябякьун,
Ца сягIят бикибара?
ХIулбазе цIябдеш бухъун,
Марбугьуб багьанара…

ЗугIялалзе икиле,
Амарса тяйдикиб…
Их хабарра бякьиле,
Хьунул къагъле карикиб.

Датува гIямру жагьил,
ДурхIне цIуръа бариле…
Арякьун хIяре цIябил,
Хьунулра гамърариле…

ТалихIла анкурбала,
Бяхъурме пяхIдарири…
Мавцаб гIязабли хIябла,
Алжаналзе икабри.

Аллагьли сабурдеш габ,
БебкIибта хъалибаргис!
ГIузру-хатIа камдараб,
ГIядабил цар уркIилис.