Падняу лiсток i скамячыу...

Юрий Боровицкий
***
Падняў лісток і скамячыў,
Як перадзімнюю трывогу.
Яшчэ яго не намачыў
Асенні дождж. Малюся Богу...
Яшчэ збіраюць журавы
Ў імшарах кроплі-журавіны
І п'юць з бясхмарнай сінявы
Паветра чыстае асіны.
Шчымліва-радасны настрой
Не скамячыў яшчэ мне вецер
Халодны, хоць ляціць стралой
Асенні дзень па белым свеце.
Чакаў яго і прычакаў...
Пяецца песня і ўдаецца,
Калі на зелень росных траў
Пажар бярозавы кладзецца.

19. 09. 2024 г.


© Copyright: Юрий Боровицкий, 2024
Свидетельство о публикации №124091903150
Список читателей / Версия для печати / Разместить анонс / Заявить о нарушении
Другие произведения автора Юрий Боровицкий
Рецензии
Написать рецензию
Другие произведения автора Юрий Боровицкий