(Мани )
Вилериз кьий заз хъуьрезвай,
Ашкъи аваз захъ къекъвезвай,
Нур чук1урна зи вилериз,
К1анивилелд заз эвериз.
Припев:Зун зи ярдин рик1из кьий,
Дердер-гъамар гьуьлуьз фий,
Зун зи ярдин патав гваз,
Уьмуьр бахтлу хьурай чаз.
Вилериз кьий заз хъуьрезвай,
Килигналди тух тежезвай,
Теменрин юргъ къурда за вал,
Гьиссер ифей ашкъидин ц1ал.
Припев виликанди.
Вилериз кьий заз хъуьрезвай,
Ашкъид мурцар зал вегьезвай,
Куьк1вена зи рик1е мурад,
К1анивилин гьиссерин гад.
Припев:
Вилериз кьий заз хъуьрезвай,
Зал бахтунин нур хъчезвай,
Зи вилерни са вал ала,
Чун чаз жедай ч1авал ала.
Припев:
Вилериз кьий заз хъуьрезвай,
Залай гъейри кас таквазвай.
Кьисметарни чи сад хьурай,
Санал хьана, чун шад хьурай.
Припев: виликанди.
06.09.2024.
Вилериз кьий заз хъуьрезвай
© Copyright: Нажмудин Шихнабиев 2, 2024
Свидетельство о публикации №124090604249
Свидетельство о публикации №124090604249
Рецензии