55. Сарабаш

Хьана кьван, хьанач кьван кьве чубан. Ибур
хпер хуьз гьамиша дагълара аваз хьана.
Къаркай са къуз, нянихъ ибруз са мугьман
атана. Ибруни мугьмандиз гзаф гьуьрмет авуна,
са к1ел тук1уна, эхтилатар ийиз ацукьна.
Хабар за квез никай гун, хабар Сарабаш киц1икай.
Сарабаш хперин са къерехда япар хкажна,
кьуд пад гуьзетиз ацукьнаваз хьана. Гьа и арада,
 яваш-яваш, ттум илисиз, ттум илисиз, атана
са жанавуцрди яргъалай хьиз гьайванрин ч1алалди
рахаз башламишна, Сарабаш киц1из лагьана:
- Я киц1 стха, заз ви гзаф язух къвезва,
а чубанрини вун хъсан хуьзвач. Ша, на заз
чуькьмир, за са хеб рекьида, ахпа ам чна
кьведани неда.
 Сарабаша, хъел атана, гзаф к1евиз ав яна..
Са арадлай жанавурди хтана мад минетна.
Эхир Сарабашани са т1имил темягь авуна, ида
жанавурдиз лагьана:
- Чи къулал як ала, эгера зи ч1ехи стхайри
дуьз стха пай тавурт1а, ахпа зун клигда.
 Як ргана гьазур хьана. Чубанри як пуд чкадал
пайиз башламишна. И ч1авуз мугьманди лагьана:
- Пуд чкадал паюнал зун рази туш, куьз лагьайт1а,
а кц1ини хпер хуьнин карда чалай артух зегьмет
ч1угвазва, гьадазни стха пай гунуг лазим я.
 Чубанарни и меслятдал рази хьана, кьуд чкадал
ибру як пайна... Гьарда вичин пай як т1уьна.
Чубанарни мугьман литер кьилел вегьена
архайиндиз ксана, Сарабаш авайдалани зирек
хьана, кьуд пад гуьзетиз акъвазна.
Са арадлай кьарай кьаз тахьана, жаваб гуьз-
лемишиз жанавур хтана. И ч1авуз Сарабаш киц1и
"р-р-р-р..." авуна хъел кваз жанавурдиз
жаваб хгана:
- Зи стхаяр вун хьтин вафасузбур, инсафсузбур
туш. Абру зун хъсан хуьзва, зун абруз вафалу я.
Ч1ар юзваназ хьайит1а, за вун к1ус-к1ус ийида.
 Пака экуьнахъ мугьман хъфидайла, ада чубанрин
гъил кьуна лагьана:
- Эгер квез киц1и хпер хъсан хвена к1андат1а,
гьамиша киц1 хъсандиз хуьх, ахпа куьн литер
кьилел ч1угуна архайиндиз ксус.
 Аналай кьулухъ чубанри Сарабаш киц1 авайда-
лайни хъсан хуьз башламишна.

   (Кьасума-хуьруьн райондин Ялцугъви,
Етим Эминан  т1варунихъ галай колхоздин чубан
Селимов Сулейманавай Гаджиев Агъалара кхьейди я).