Я Зул-Жалал, низ гана гъам-хифетар:
Бес гайивал и саягъда дуьз яни?
Садаз гайла чандин сагъвал, девлетар,
Бес муькуьди гьакьван гьаясуз яни?
Шумал таран кьурурзавай хел хьтин,
Цавараллай кайи гъетрен гел хьтин,
Ничхирд патав къугъвазавай к1ел хьтин,
Са к1ус кьванни тагун чарасуз яни?
Селлер фена рик1 ац1ана дегьнедай,
Т1имил авач чуьхуьдайбур тегьнедай,
Акъатзамач зи кьил мадни дуьнедай:
Рик1 алайбур вал, гьакьван ужуз яни?
Сад къекъведа кьил хкажна кьвал хьтин,
Тахсир тичиз, тевледавай мал хьтин,
Садни хьайла куьрпе лап аял хьтин,
Мадни лугьун, бес и крар дуьз яни?
Жамилаз. Дуьз яни?
© Copyright: Магомед Мирзоев Мирзой, 2024
Свидетельство о публикации №124090306617
Свидетельство о публикации №124090306617
Рецензии