Стха, ви т1вар я чаз вине,
Вуна твазва чун дуьз рекье,
Гьар са карда хьурай к1венк1ве,
Вун чи к1валин дестек стха.
Вун уьмуьрда я зи даях,
Ийизва за валди дамах,
На чирна заз дуьзди-патахъ,
Гьар са карда герек стха.
Берекатар хьуй вахъ пара,
Вун завай гьич тахьуй чара,
Мадни мягькем хьуй чи ара,
Гьар кьадамда панагь стха.
Стха хьтин авач девлет,
Адаз гьихьтин гуда къимет,
Зи патай ваз даим гьуьрмет
Авайди я, масан стха.
Кьилиз фирай гьар са хиял,
Вун чи дамах, вун чи кьегьал,
Вун садрани тахьуй бейгьал,
Гьакьван к1ани багьа стха.
Жамил. Стхадиз
© Copyright: Магомед Мирзоев Мирзой, 2024
Свидетельство о публикации №124090201376
Свидетельство о публикации №124090201376
Рецензии