Салам гана, къведа к1вализ,
Чи гуьгьуьлар шадар ийиз.
Чими я вун гьакьван рик1из,
Берекат я к1валин мугьман.
Чахъ дагъвийрихъ ава адет,
Мугьмандиз лап ийир гьуьрмет.
Ваз Аллагьди гурай нуьсрет
Гьар са карда, азиз мугьман!
Даим мугьман авай к1вале
Кими жедач хатур зерре.
Хушбахтвилин я вун бине,
Гьакьван к1ани рик1из мугьман.
Вун садрани тахьуй сафил,
Ша зи к1вализ, хкажна кьил.
Кьабулда за, яна ваз гъил...
Зи рик1ин дарман я мугьман.
Жамил. Мугьман
© Copyright: Магомед Мирзоев Мирзой, 2024
Свидетельство о публикации №124082905466
Свидетельство о публикации №124082905466
Рецензии