Рагъ атана шаддиз к1вализ,
Нурар гьахьна михьиз рик1из,
Варз къаравул я дак1ардихъ,
Вил ала са шад хабардихъ.
Рагъ я зи яр,варз я зи яр,
Муьгьуббатдин гайи хабар.
Къе зи патав гва к1ани яр,
Гъил гъилеваз шад я зи яр.
Рик1е хьурай гьамиша яр,
Уьмуьрлух хьуй кьисмет бахтар,
Хважамжамдин яна рангар,
Къвалав хьурай к1ани тир яр.
Рик1 ац1ана шад гьиссерай,
Бахтар акваз шад вилерай,
Хъвер къугъвазва ал п1узаррал,
Шад хьанва чун чи суваррал.
Теменрин марф вуч ифенва,
Йиф хабарсуз къаз элкъвенва.
Им дуьнья я са чаз гайи
Шад мани я зи яр к1ани.
28.08.2024.
Рагъ я зи яр...
© Copyright: Нажмудин Шихнабиев 2, 2024
Свидетельство о публикации №124082800151
Свидетельство о публикации №124082800151
Рецензии