Сифте Аллагь, ахпа диде,
Абур кьведни я заз вине.
Вахкуз жедач дидедин гьахъ,
Хьайит1ани гьайбатар вахъ.
Лезги чилин безек я вун,
Чаз - веледриз герек я вун.
Гьар са карда куьмек я вун,
Зи играми, масан диде.
К1валин абур, дамах я вун,
Рик1ин сабур, даях я вун,
Са дагъ я вун, са багъ я вун,
Зи играми, масан диде.
Декьикьайра, четин хьайи,
Вакай куьмек жеда, диде.
И дуьньядал и чилерал
За вун рик1е хуьда, диде.
Жамил. Диде
© Copyright: Магомед Мирзоев Мирзой, 2024
Свидетельство о публикации №124082701226
Свидетельство о публикации №124082701226
Рецензии