Жамил. Чаз дяведин ван тахьурай

Магомед Мирзоев Мирзой
Гьар са уьлкве, гьар са хизан -
Зулун багъ хьиз хьуй авадан.
Гьич садахъни тахьуй душман,
Чаз дяведин ван тахьурай!

Мугьманар я дуьньядал чун,
Куьз герек я кук1ун-чухун?
Рик1яй-рик1из за квез лугьун:
Чаз дяведин ван тахьурай!

Ислягьвал хьуй вири чилел,
Ачух цавни - даим кьилел,
Ч1уру ният гъимир рик1ел,
Чаз дяведин ван тахьурай!

Сад Аллагьдиз ая минет,
Такурай чаз дарвал, зиллет,
Машгьур хьурай дуствал, гьуьрмет,
Чаз дяведин ван тахьурай!


© Copyright: Магомед Мирзоев Мирзой, 2024
Свидетельство о публикации №124082606075
Список читателей / Версия для печати / Разместить анонс / Заявить о нарушении
Другие произведения автора Магомед Мирзоев Мирзой
Рецензии
Написать рецензию
Другие произведения автора Магомед Мирзоев Мирзой