Кьил кут.
Зи кагъазар, бала, кхьидайла,
Агъадихъай, бала, рагъ атана;
Яр, вун рик1ел, бала, акъалтайла
Зи вилерлай, бала, нагъв атана.
хор
Перизада, бала, Зуьгьре ханум.(2 сеф.)
Яр яхулиз, бала, катна залум.
Кьил кут.
Ирид гьуьлер, бала, анихъ галай
Ярдин дидар, бала, акваз к1ан тир;
Дуьнядилай, бала, к1ан хьайи яр,
Ахварайни, бала, акваз к1ан тир.
хор
Перизада, бала, Зугьре ханум.(2 сеф.)
Яр яхулиз, бала, катна залум.(2 сеф.)
Кьил кут.
Марфадик квай, бала, къизилдин ттар,
Хажалатдик, бала, акъатай къар;
Ик1 жедани, бала, я ччан вахар,
Вад суз элкъвей, бала, къелеман кар.
хор
Перизада, бала, Зуьгьре ханум.(2 сеф.)
Яр яхулиз, бала, катна залум.(2 сеф.)
33. Зуьгьре ханум
© Copyright: Магомед Мирзоев Мирзой, 2024
Свидетельство о публикации №124082506461
Свидетельство о публикации №124082506461
Рецензии