32. даллай

Кьил кут.

Зун пенжердай клигайла,
Куьчед кьулал манат ала.
Аман даллай, риддаллай!
Ам къачуна личек ая,
Ччин чуьхвена гуьрчек ая,
Аман даллай, риддаллай!

хор

Аман даллай, риддаллай,
Яхул даллай, риддаллай!
Вахъ атирдин ни галай.

Кьил кут.

Зун элкъвена клигайла,
Къуба пата къацар ава.
Аман даллай, риддаллай!
Тик ц1велера магьидин регъ,
К1анид тежер гужар ава,
Аман даллай, риддаллай!

хор

Аман даллай, риддаллай,
Яхул далллай, риддаллай!
Ярдал япунжи ала.

Кьил кут.

Зун пенжердай клигайла,
Зал къелема ич эляна,
Аман даллай, риддаллай!
Зун элкъвена килигайла,
Захъ атирдин ни геляна,
Аман даллай, риддаллай!

хор

Аман даллай, риддаллай,
Яхул даллай, риддаллай!
Вахъ атирдин ни гала.

И мани маса куьгьне жуьрени ава:

Кьил кут.

Сине къайи гар ава,
Хуьре к1ани яр ава.
Аман даллай, руддаллай!
Чун к1анибур къад ава,
Чаз к1аниди сад ава,
Аман даллай, руддаллай!

хор

Аман даллай, руддаллай,
Яхул даллай, руддаллай
Ярдихъ япунжи гала.

Кьил кут.

Куьчеда куьч къекъведа,
Жибинда ич къекъведа.
Аман даллай, руддаллай!
Атайт1ани, ваз къведа,
Ац1ай сандух гваз къведа,
Аман даллай, руддаллай!

хор

Аман даллай, руддаллай,
Яхул даллай, руддаллай,
Ярдихъ япунжи гала.