Я табе аддаю сваё сэрца

Я ТАБЕ АДДАЮ
СВАЁ СЭРЦА
леанід ПРАНЧАК

Я прайшоў цябе ўсю пехатою,
Я спазнаў цябе ўсю да травінкі.
Я з маленства люблю ўсёй душою
Вецер твой і твае аблачынкі.
Гэта шчасце і я гэта знаю.
Божы дар, што навекі даецца.
Як матулю, цябе абдымаю.
Я табе аддаю сваё сэрца.

Белай Вежай, блакітнай Дзвіною,
Роднай песняй, малітвай святою
Назаўсёды ты стала маёю –
Беларусь, Беларусь, Беларусь!
Шчырай верай, адданай любоўю,
Хлебам-соллю, жывою вадою
Я навек парадніўся з табою
Беларусь, Беларусь, Беларусь!

Рукі ўшыркі раскіну – раздолле.
Шум лясоў, прахалода разораў,
Росны поплаў, бясконцае поле,
Сінь нябесаў у люстрах азёраў.
Лёс адзін і адзіная доля.
Паасобку нам быць немагчыма.
Ты кахання і ласкі спатоля,
Прыгажэйшая ў свеце Радзіма.

Белай Вежай, блакітнай Дзвіною,
Роднай песняй, малітвай святою
Назаўсёды ты стала маёю –
Беларусь, Беларусь, Беларусь!
Шчырай верай, адданай любоўю,
Хлебам-соллю, жывою вадою
Я навек парадніўся з табою
Беларусь, Беларусь, Беларусь!

24.08.2024