29. ЯР ГЬЕЙ

Магомед Мирзоев Мирзой
       Кьил кут.
Я яр за ваз вуч лагьанай,
Хъипи хутар цуькведамаз?
За лагьайвал хьанани, яр,
Цуькведал хьиз рик1 аламаз?
         хор
Яр гьей,
Яр къацу дагълара гьей; (2 сеферда).
Яр гьей,
Беневша багълара гьей (2 сеферда).
      кьил кут.
Булахдин яд къана (а)мукьун
Йифиз къвайи чигедвай я.
Чун чаз тахьун, ччан к1ани яр!
Кьве мез авай дидедвай я.
        хор
Яр гьей,
Яр къацу дагълара гьей; (2 сеферда).
Яр гьей,
Беневша багълара гьей (2 сеферда).
        кьил кут.
Кьилихъ галай зар келегъа,
Зар келегъа гъиляй-гъилиз,
Чна кьведа сир сад ийин,
Сир сад ийин кьиляй-кьилиз.
        хор
Яр гьей,
Яр къацу дагълара гьей; (2 сеферда).
Яр гьей,
Беневша багълара гьей. (2сеферда)


© Copyright: Магомед Мирзоев Мирзой, 2024
Свидетельство о публикации №124082301607
Список читателей / Версия для печати / Разместить анонс / Заявить о нарушении
Другие произведения автора Магомед Мирзоев Мирзой
Рецензии
Написать рецензию
Другие произведения автора Магомед Мирзоев Мирзой