НЕТИЖА
Аламат я са к1валах заз, итимвал
Квахьда гьак1а, чир тахьана лигимвал,
Ягь фейибур к1ват1 жеда са гуртуниз,
Сада садаз мез-гъвел ийиз, дурк1униз.
Я ар-айиб, я гьая чир тахьана,
Итимсуз ихтилат жеда дат1ана.
Тулаяр хьиз, гъилибанар рекье тваз
К1ват1да чпин гуртуниз, чеб вине кьаз.
Ужуз суфат, акунарни дак1ан я,
Вуч авурай, дуьньяди гьал залан я.
Дагъвидизни и дуьнья гьак1 дар хьана,
Ялтахрикай бегьемсуз бизар хьана,
Фитнедикай пайдах кьуна ялзавай,
Негьякь уьмуьр мурдарди хьиз гьалзавай.
Намуслудан патав къвазда ислягьдиз,
Патал фена икрам ийиз гунагьдиз.
Валар к1аник чуьнуьх хьана шалта хьиз,
Паб ракъурда къал-макъализ, тарта хьиз.
Мад вуч ийин, тартади гьал залан я,
Итим адан ксай мисик аслан я.
Намус, гьуьрмет вине кьурт1а са гьял я,
Дамахдивди къекъведайди кьегьял я.
Кьегьалдилай чешне къачурди хва я,
Бегьемсузрин тай хьайиди ява я.
Чубандин кьиса. 6
© Copyright: Магомед Мирзоев Мирзой, 2024
Свидетельство о публикации №124082201785
Свидетельство о публикации №124082201785
Рецензии