Хва т1екьий ттарал-лай хвад кьванди,
Стха т1екьий хтун къене-вай цил кьванди.
Ялгъуз ттар тама тахьуй,
Авай сад кьена сура тахьуй,
Стхад свас хуьре тахьуй.
Дидедиз атай кафандиз гьахьай бала,
Я дидедиз эгъвей сура гьахьай хва!
Кьуьзи диде туна вун вучиз фена?
Сурун зурандал-ламай* язух диде вай...
Яхул далдамар хуртиз* тахьай,
Авар суьрнеяр сустиз тахьай,
Сазанал т1уб аламай,
Сунадал рик1 аламай
Лишанлу хуьре амай
Азиз хва вай зи!
(Ахцагь райондин Хуьруьгви 49 йиса авай, к1ел-кхьин тийижир
с-советдин депутат Мегьри Мегьемедовадвай кхьейди я.
Ноябрь-1940 йис).
*Зурандал-къерехдал.
*Хуртиз-далдам гатана гур ийиз тахьай.
26. хва кьейила дидеди
© Copyright: Магомед Мирзоев Мирзой, 2024
Свидетельство о публикации №124082201537
Свидетельство о публикации №124082201537
Рецензии