Хеназа безам

               
Уьйрашца ваддарех, буьрканах ловзуш,
ЙоьIаршка ишколехь хийла дов хьиэди.
ЦIеххьанчу мохаха, деган ков доьллуш,
Бераллин некъ хадош, соь безам хьаьди!

Аьлбика! Аьлбика!
Са тIома доккхуш,
Лаамах со воккхуш,
Урх леци ахь.
Бертахь йа бертаза
Хьайха ца воккхуш,
Безаман тиларчохь
Со виталахь!

Хеназа синхаамаш нийсаройх лечкъош,
Марзоно дотту дог, беснеш тIехь догуш,
Хьо Iачу хIусаме къайлах бIаьрг хьежош,
Бераллин некъ хадош, хьоь безам гIаьтти!

Аьлбика! Аьлбика!
Са тIома доккхуш,
Лаамах со воккхуш,
Урх леци ахь.
Бертахь йа бертаза
Хьайха ца воккхуш,
Дош лардай, вайн дахар
Цхьаьна тохалахь!

Набаран суй боцуш, кхачех дог даьлла,
Гучуьра хьо йаьлча, маьлхан де кхоьлуш,
Ахь мисарболато санна тIеуьйзуш,
Бераллин некъ бацлуш, хьоь безам гIаьтти!

Аьлбика! Аьлбика!
Са тIома доккхуш,
Лаамах со воккхуш,
Урх леци ахь.
Бертахь йа бертаза
Хьайха ца воккхуш,
Безаман кхерчахь
Со вагийталахь!
                Х1утосург бутт  1967 шо.