Вун бахтавар хьуй кьейи,
Ч1улав накъвадик фейи,
Вишни ц1увад йис хьайи
Апай сусван.
Юргъанрал юргъун хьайи,
Дуьшекрал дуьшкуьн хьайи,
Запабар себеб тахьай,
Дердиниз дарман тахьай,
Реббидиз т1ува татай
Апай сусван.
Ви къулан ц1ай векъи хьуй,
Гурмагъдин гум къати хьуй.
Ви ериндал ви хва сагъ хьуй
Ччан апай сусван.
Сас рувадалд дуьнья т1уьр,
К1вач ц1урц1адалди къекъвей,
К1вале ацукьна хуьр хуьдай,
Хуьре ацукьна эл хуьдай,
Ччан хуьруьн девлет,
К1валин берекет
Апай сусван.
(Кьурагь райондин Кьуьчхуьрви, 80 йиса авай,
к1ел-кхьин тийижир Балаханум Набиевадвай
кхьейди я.Ноябрь 1940 йис).
24. кьуьзуьди кьейила
© Copyright: Магомед Мирзоев Мирзой, 2024
Свидетельство о публикации №124082106929
Свидетельство о публикации №124082106929
Рецензии