Я чилер-цавар халкь авур Аллагь,
На багъиш ая чи гьар са гунагь!
Гьар са инсандиз На дуьз рехъ къала -
Им я зи мурад, им я эрзиман.
Гьахъсуз ксариз гьахъ ая къисмет,
Къуй, чилел даим хьурай чи гьуьрмет.
Сад Аллагь, Вуна хъсанра кьисмет -
Им я зи мурад, им я эрзиман.
Эй инсанар, куьн жемир гьич аси,
Кьадар-кьисметдал хьухь даим рази.
Сабур гуда чаз Халикьди вичи -
Им я зи мурад, им я эрзиман.
Дуьнья ислягь хьуй, чилерни мублагь,
Инсан инсандиз хьуй даим панагь.
Тух ва гишин къуз рик1ел гъиз Аллагь -
Им я зи мурад, им я эрзиман.
Жамил. Зи мурад
© Copyright: Магомед Мирзоев Мирзой, 2024
Свидетельство о публикации №124082104723
Свидетельство о публикации №124082104723
Рецензии