КIиллошка
Багахь дуьйцуш, цо зулам
Цоьсту, хуьлий цIоькъа-лом.
БIаьрга вайча йамартхо,
КIеза хуьлий, хьастало.
Хьарамло цо йемал йеш,
Моьтту марсайаьлла пеш.
Волуш коьрта даржехь ша,
Велхавора хийла да.
«Дахар ирсе дина дай, –
Бах цо, – сий деш лара вай!»
Махко царна хIоттош хIоллам,
Шена зиэ дац делла шай.
Лоь и, лерга хIиттош потт,
Суйнаш тийса боллалц мотт.
Хьийза, йетташ сане чот,
Адман сибтехь – кIиллойн ботт.
1990 шо.
© Copyright: Заурбек Хамерзаев, 2024
Свидетельство о публикации №124082006609
Свидетельство о публикации №124082006609
Рецензии