Вай вовшашка балхийра
Ша кхуран IиндагIехь,
Вовшеха дог тешош
Кийрара безам;
Бодано хьаьшна чохь,
Биси кхор паналлехь,
Вайн безам боберах,
Шовданехь тийжа.
Лазар ду сан дагехь
Хьох Iеха валарна,
ГIаргIулийн тобанаш
Йу махках йовлуш.
ДIало ас сайн гIайгIа
Iаьржачу мархашка,
Йахьийта делла дош
Дуохочу махка.
ЙогIур йац и аьхке
Вайна кхин йуха,
Теш хилла кхура т1ера
Мела тхи леда…
Бецаша хьаьна д1а
Ирс лехна майда,
Байттамалх сан дагна
Хуьлуш дац дарба!
Кхуран IиндагIехЬ
© Copyright: Заурбек Хамерзаев, 2024
Свидетельство о публикации №124082006505
Свидетельство о публикации №124082006505
Рецензии