Муо хьаьвзар боцу чов

1едалан харцоно шайн мехкашкара
             бохийна хIаллакьхиллачу мухIажаршна
Вина мохк, хьомсарниш кхиале бовза,
Хье ларбо коьртан турс даьIахке хьаьвзаш,
Ца дина къинош тхан тептарах доьзна,
Мила ву сой, сан къам Даймахках къастош,
Муо хьаьвзар боцу чов йинарг сан дагна?

Со санна, сол кегий чанталшца карахь,
Шайн догIмех кхин синош хьаьрчина наной,
ХIаллакбеш Iаьн чиллахь вагонийн кирлахь,
Мила ву, доь доцуш, йайта тхан кхане,
Муо хьаьвзар боцу чов йинарг сан дагна?

Дуьненан харцонца Iожалла тарна,
Хийрачу мехкашкахь кхелхина синош,
Даймехкан лаьтта тIехь кошан барз боцуш –
Мила ву, уьш хьегарна вархIа ден лаьттах,
Муо хьаьвзар боцу чов сан даг чохь латтош?
 
Дажалш бу къизаллин гIалаташ динарш,
Уьш нисдо тIаьхьено йуьхьIаьржох цIанлуш…
Нохчийн къам хьаьшна де Мохкларбархойн деш, –
Даздеш берш, – вайн тезет аьшнаш деш т1етт1а,
Муо хьаьвзар боцу чов бу дагна йазйеш!!!

Ткъе кхоалгIа Чиллин де! Базбо ахь бала!
Берахь дуьйна иэс тигац хьан эрчо йицйан!!!
Цу дийно Iадийна, шура йайна наной,
Шайн бераш дакхош го некхера цIийца –
Муо хьаьвзар боцу чов дарйеш сан дагна!!!

ХIай Росси! Хьан бераш делахь чуьра къаьмнаш, –
Хьан баьччийн харцонаш шайна тIехь лайна:
Царах мел кегирчийн сий хьаьшна денош,
Ма дехьа Пачхьалкхан Той хIотто цIайнаш*,
Муо хьаьвзар боцу чов дегнаш чохь Iовжош!!!
                *ЦIайнаш-цIай – мехкан деза де (праздник).